basement flooring options

A Estación de Viticultura e Enoloxía de Galicia celebrará o venres 24 as terceiras xornadas técnicas no Auditorio da Xuventude de Cambados. O evento titulado “Estratexias para o achegamento do viño ao consumidor - A xeración “Millennial”” conta con 100 prazas. A inscrición estará aberta ata o xoves a través da páxina evega.xunta.gal.

Vilagarcía prepárase para a celebración do europeo junior de Vela nas modalidades de 420 e 470. O evento no que participarán 390 deportistas de 24 países disputarase do 23 ao 30 de xullo. 10 galegos entre eles o vilagarcián Jacobo García competirán no evento.

A vilagarciá Alba Tomé entre as seleccionadas para o premio universitario “Contar a Ciencia”. O seu traballo “como gañar o que che quita o Parkinson” consiste nunha reportaxe audiovisual sobre a investigación en torno a esta enfermidade. O fallo do xurado coñecerase en xuño.

Cambados organiza a súa segunda feira do libro despois de 20 anos. A vila contará con dez expositores de obras literarias e diferentes actividades como teatro e cine. A feira estará aberta ata o día 22.

A dose deportiva e solidaria da Festa do Viño Tinto do Salnés en Ribadumia chegará coa súa andaina. Para inscribirse, os participantes deberán achegar a vontade e o recadado destinarase a Esperanza Salnés. A cita será o día 2 de xuño.

O escritor Marcos Calveiro será o encargado de dar o pregón nas festas de San Roque de Vilagarcía. Os festexos que terán lugar do 14 ao 25 de agosto inclúen actividades para todas as idades. Entre as actuacións destacan Blas Cantó, Víctor Manuel e Xoel López.

Ravella por fin poderá abordar o problema de seguridade viaria do acceso ao barrio da Torre. Tras anos de xestións cos propietarios do terreo, o concello asinou a compra da superficie na que se sitúa unha vivenda arruinada que terán que demoler para ampliar a curva da Golpelleira. A operación suporá un desembolso de algo máis de 10.000 euros ás arcas municipais.

O colexio de Rubiáns volve a celebrar a súa festa do deporte. A escola dedica o día, este ano, ao Kempo. O alumnado gozou dunha práctica de exhibición.

O BNG de Cambados vai a por todas nas eleccións do 26 de maio. A formación presentou hoxe os primeiros postos da lista encabezada por Víctor Caamaño, e deu algunha pincelada do que será o seu proxecto electoral. Segundo confesaron esta tarde, os nacionalistas aspiran a liderar o vindeiro goberno alternativo ao Partido Popular.

Os usuarios do Complexo Deportivo Piscina Concello de Vilagarcía maniféstanse polo abandono que sofren as instalacións. O motivo das súas protestas é o mal estado da maquinaria do ximnasio. A empresa concesionaria asegura que non investirá en novos materiais mentres non se renove a concesión.

As traballadoras da residencia de maiores Domusvi de Ribadumia maniféstanse fronte ao concello. As empregadas reclaman que se cumpra o convenio. Seguirán mobilizándose mentres a empresa non lles de unha solución.

Cambados celebrou a súa tradicional carreira de institutos. Máis de 400 alumnos dos centros Cabanillas e Asorey saíron a rúa para percorrer os 3 quilómetros e medio da ruta.

O Instituto Monte da Vila do Grove emprega os videoxogos como método de ensinanza. O centro está realizando esta semana unha actividade de realidade virtual. O obxectivo é que o alumnado adquira competencias e destrezas relacionadas coas novas tecnoloxías.

Ángel Rey representará ao Castro Alobre na final da olimpíada matemática que comezará mañá en Xaén. O alumno vilagarcián clasificouse grazas ao terceiro posto no que rematou o torneo galego. Agora competirá con outros 53 participantes no campionato nacional.